سوبر ماركت منزلى (ج 3)

لن تحتاجى الذهاب للسوبر مركت بعد الانكل منتجات السوق في منزلك

بطرق بسيطة وصحية بعيدا عن الالوان الصناعية والمواد الحافظة بالاضافة للثمن الرخيص مقارنة بثمن هذه المنتجات فى الاسواق
 

1- طريقة عمل حلاوة سبريد :

http://j4uu.blogspot.com/

المكونات : 2باكو طحينة +2 باكو حلاوة بار + معلقة او 2 زيت جيد
نهرس الحلاوة  بايدينا ثم نفرغها فى وعاء الخلاط ونضع عليها الطحينة ثم نضع عليهم الزيت بالتدريج مع التقليب حتى نصل للسمك المطلوب وتوضع فى برطمان مغلق بعيدا عن التلاجة

http://j4uu.blogspot.com/

2- طريقة عمل الشيبسى: بالشطة واللمون : وهى اننا تشتري ملح ليمون ونطحنه كويس فى المطحنه لحد مايكون ناعم بودره وبعدين نجيب شطه مطحونه ناعمه جدا ونضيفها الى ملح الليمون المطحون وطحنه كمان فى المطحنه وكده اصبحت جاهزه كل اللى علينا اننا نحمر البطاطس ونرشها عليها وندق الطعم وعاوز اقول حاجه مانزوديش واحنا بنحط على البطاطس من الخلطه ده قوي لان طعمها بيظهر بسرعه.
الشبيسى بالجمبري: وده حديث المدينه واطعم ميت مره من بتاع بره ووهنشوف بنفسنا
والكميه اللى هنعملها هتقضى معانا فتره كبيره
هنجيب  جمبري الحجم الصغير بعد التنظيف واللازي منه نقوم بسلقه سلقه وبعدين ندخله الفرن على درجه منخفضه قوي على الرف اللى فى النص لحد ما يحجر وبعدين نطلعه يبرد ونطحنه فى المطحنه ونذود بصل مجفف مطحون وشويه ملح بسيط 
واخلطيهم وشوفى طعمها ولما تعملى بطاطس شبسى رشى عليها بعد التحمير
 شيبسى بالجبنة

اولا كلنا بنجيب جبنه تلاجه قديمه اللى بتكون حادقه دي وكمان جبنه تلاجه ملح قليل او متوسط صح

وطبعا كلنا عارفيين ان الجبنه لما بتفضل فى التلاجه من غير شرش ومكشوفه يعنى محطوطه فى طبق بدون غطاء بتنشف

هو ده اللى احنا عاوزينه بالضبط نجيب الجبنه الكميه اللى نحبها وننشفها ولما تنشف نقوم طحننها فى المطحنه و نعبيها فى برطمان مغلق ونحفظها فى التلاجه وكل مانعمل بطاطس شبسى نرش شويه عليها وندوق الطعم اما نكهه الجبنه المتبله

هنخلط الجبنه المسحوق مع مسحوق بصل ناشف اللى بيتباع فى السوبر ماركت وفى

 هنا بنعمله فى البيت لو عاوزين نوفر
ونحفظه برده فى علبه فى التلاجه
وممكن
نستخدم نوع الجبنه المفضل بس لازم تنشفيها وتطحنيها الاول
طبعا ده هيريحنا كتير لاننا هنعمل كميه تقضينا فتره
والطريقه سهله اوي وحلوه

شيبسى الطماطم: نجيب طمطمايه واحده-واحد ملعقه صغيره ملح - واحد ملعقه صغيره خل -واحد ملعقه فلفل اسودوبعدين ... نعصرالطمطمايه ونحط عليها المكونات وننقع البطاطس فيها لمدة ربع ساعة قبل القلي طبعاالبطاطس هايبقى لونها احمر و بعد كده سخنوا الزيت في الطاسه و صفوا البطاطس و اقلوا البطاطس اول ما الزيت يسخن.
اما شيبسى الكاتشب :ملعقه كاتشب-1 ملعقه ملح - 1 ملعقه خل-1 ملعقه فلفل اسود..وبعدين نجيب الكاتشب ونحط عليه المكونات وننقع البطاطس فيها لمدة ربع ساعة قبل القلي الشيبسى بطعم الخل : نحضر 1 ملعقه ملح
1ملعقه خل -1ملعقه فلفل اسود وبعدين ننقع البطاطس في الخل والملح لمده ربع ساعه تقريبا فبل القلى الشيبسى بطعم الكباب يوضع مكعب مرقة لحم وشوية ملح صغيريين بعد القلى اونجيب بهرات المشويات من عند العطار ونرشها على  الشيبسى بعد القلى مباشرة طريقه عمل الشيبسى بطعم الفراخ يوضع مكعب مرقة دجاج وشوية ملح بعد القلى مباشرة 

3- الجبنه الكوبيات: نجيب علبة جبنة مثلثات ونصف كوباية لبن ونخلطهم فى الخلاط حتى يتجانسو وبعدين نضعهم على النار ( درجة منخفضة ) ونقلب  لحد ما الجبنة تدوب واللبن يغلى ثم نرفعه مع التقليب برضو لحد ما يبرد ثم نضع عليه معلقة قشطة او كريمة حتى يتجانسو ثم نصفى الخليط او نضربه فى الخلاط حتى نتخلص من قطع الجبنه الغير ذائبة وبالهنا والشفا

4-عمل اللنشون :

نجيب :

(5 بيضات -5 مثلثات جبنة–5ملاعق طعام دقيق -1/2 كوب زيت ذرة–2مكعب مرقة دجاج - 1/2ملعقة صغيرة فلفل أسود حبوب صحيحة–4فصوص حبهان - ذرة من لون اللانشون (دم الغزال) من عند العطار.وبعدين ..تضاف كل المكونات السابقة فى الخلاط وتضرب المكونات جيدًا ثم تضاف المكونات السابق ضربها وتعبأ فى كيس بلاستيكي ويفرغ كل الهواء من الكيس ثم يربط الكيس جيدًا بشريط قوي ومتين ثم نضع وعاء به ماء ويرفع على النار ونضع كيس اللانشون السابق اعداده ونتركه ينضج مدة لا تقل عن ساعة ونصف ثم يرفع كيس اللانشون من الماء ويوضع فى الثلاجة لكى يبرد ويقدم فى ساندويتشات.

5-طريقة عمل البسطرمة  :نجيب 1 كيلو لحم قطعة واحدة من الفخز ونضيف عليها ملعقة كمون - 2ملعقة حلبة مطحونة - 2ملعقة شطة -2ملعقة ثوم مفروم- 2ملعقة بربيكا-2ملعقة ملح-2ورق لورا
1/2ملعقة جوزة الطيب - 2ملعقة فلفل اسود طريقة العمل
1- تغطي قطعة اللحم ب200جرام من الملح وتعلق اللحم في المطبخ من يوم الي يومان حسب درجة حرارة المطبخ
2- يعمل خلطة المكونات التتبيلة اعلاة مع اضافة ربع كوب ماء
3- تغطي اللحم بالخليط بالتساوي مع وضع اليد في اناء به ماء ونلمس علي الخلطة حتي تصبح ناعمة وليس بها ثقوب او تشققات ثم تلف بقماشة نظيفة وتعلق في المطبخ من 5-7ايام
ويراعي عدم اكل البسطرمة الا بعد تعريضها للنار(يلزم لإعداد واحد كيلو من اللحم البقرى نصف فنجان حلبة يتم طحنها جيدا مع بعض رؤوس الثوم، بالإضافة إلى كمية مناسبة من الملح والفلفل الأحمر، ثم يتم عمل عدة شقوق ويتم حشوها بالملح حتى تغطى بالكامل ويتم وضعها فى مصفاة وتغطى لمدة يومين حتى تجف من المياه الموجودة بها، ثم يتم خلط الحلبة مع الثوم والفلفل الأحمر والملح مع قليل من الماء ويتم تغطية اللحم بها ويتم خياطة قطعة اللحم بعد التتبيل توضع فى الهواء من 3 إلى 7 أيام حتى تجف وتصبح مثل البسطرمة التى يتم شراؤها من السوبر ماركت .)
6- السجق : 1 كجم لحم مفروم ناعم مع قطعة ليّة خروف- رأس ثوم كبيرة مفرومة ناعم - ملح حسب الرغبة - رأس ثوم كبيرة مفرومة ناعم 2 م ص " ذر ورد " أو " سماق "- 2 م ص " كبيبة صينى " ولا أعرف لها اسم آخر - 2 م ك ثوم بودرة - ان وجد- 2 م ك مستردة - أنا أحيانا أضع خردل مطحون + خل-
2 م ص شطة حامية حسب الطلب - 3 م ك بابريكة أو شطة حلوة -4 م ك فول الصويا مطحون - لأنه يمتص الدهون ويعطى نكهة- 4 م ك كسبرة مطحونة - 2 م ص فلفل أسود- 3 م ص بهارات-تخلط جميعا مع بعض+ العصبان اللى هنشترى رفيع وضانى ونغسلها جيدا من الداخل والخارج نغسله وننقعه لمدة يوم فى الماء مع التغيرو يتم يتغسل بالملح واليمون جيدا و
هجيب زجاجة بلاستك وقص منها قمع مدخلها ليكون على هيئه قمع
احشى من القمع بالضغط حتى يدخل الى داخل المصران او العصبان يكون جاهز على الحشوثم نربطه بحبل او الفه على بعض لكى يربط نفسه على مسافات مستوية

والى اللقاء قريبا مع كل جديد

مع تحيات 
http://j4uu.blogspot.com/

 

 














 

شاركها مع أصدقائك!

تابعني→

Tweet

أبدي اعجابك →

شارك! →